新郎致詞節錄-幸福滿社

請繼續關於Threads💗未來會持續更新內容

【感言節錄—新郎致詞01】

多謝父母+搞笑+求生意志

爹哋媽咪多謝你哋由細到大教我點做個好人，而家，我亦會用你哋教嘅嘢，試下做個好老公—— 唔係「老婆講乜就做乜」，而係「老婆未講，我已經知做乜」。

【感言節錄—新郎致詞02】

借題發揮+間接多謝大家+搞笑 .

大家成日問我「結婚係咪好大壓力？」 我話，都唔會好大既，最大壓力係要記咁多個日子，拍拖、求婚、結婚… 但今日見到大家花寶貴時間賞面出席，承受所有壓力都係值得㗎。

【感言節錄—新郎致詞03】

多謝老竇+滾動

到你啦老竇！我老竇一向唔多講嘢，所有嘢都放喺心到無表達出嚟，多謝你一直都好錫我⋯我知你一早準備好紙巾放喺袋，你個樣雖然「撐得住場」，但我見到你眼濕濕，我都忍唔住。

【感言節錄—新郎致詞04】

阿哥家姐，以前我哋鬥嘴鬧交，可以由朝鬧到晚，但亦都因為有你哋，我先知乜嘢叫家人⋯多謝你哋為我婚禮忙前忙後，但都想講句：「未來我會繼續麻煩你哋！」

【感言節錄—新郎致詞05】

多謝大家+搞笑+第時會記得做返你哋兄弟

多謝在座每一位，一路以嚟既關照，見證我由「無拖拍男仔」到「負責任男人」。 係呢一刻我唔單止多咗個老婆，仲多咗個家庭、一堆信用卡數、同差落你地好多份人情。

【感言節錄—新郎致詞06】

老婆，放心，我會不斷更新自己，由「基本男友」升級到「全能老公Pro Max」。

【感言節錄—新郎致詞07】

今日，我哋唔只係穿上禮服、簽下婚書，而係選擇咗，用一生嘅時間去成長、去理解、去陪伴。婚姻係呢一輩子唯一一次可以親手揀選家人，而你，就係我毫不猶豫揀咗要一齊走落去嘅人。多謝你，願意接納一個唔完美嘅我⋯ 未來嘅路太多未知，可能唔太順利，但無論係平淡或精彩，我都會緊緊握住你手去經歷唔同嘅春夏秋冬。

【感言節錄—新郎致詞08】

雖然我地無驚天動地既故事，但有細水長流既愛。唔經唔覺一齊咗9年啦，每過一年都提醒緊我要更珍惜你。今日呢個特別日子，我想站係所有人前面同你講：即刻未來幾平淡都好，我都會盡全力去愛你，令你每日都過得開開心心。

文章版權歸作者所有，未經允許請勿轉載。網站內文章部分內容可能來源於網絡，僅供大家學習與參考，如有侵權，請電郵：info@hongkong.wedding 書面通知進行刪除處理。本社一切資源不代表幸福滿社立場，及不代表幸福滿社認同其觀點和對其真實性負責。本社一律禁止以任何方式發佈或轉載任何違法相關內容，訪客發現請向社長訊息舉報。本社資源有機會存放在Google雲端，如發現失效，請聯絡我們更新。

THE END